سکیورٹی فورسز کی تیراہ میں بڑی کارروائی، خارجی عابد اللہ سمیت 5 خوارج ہلاک،ایک گرفتار

راولپنڈی:خیبرپختونخوا کے ضلع خیبر میں سکیورٹی فورسز نے کارروائی کرتے ہوئے 5 خوارجی دہشت گردوں کو ہلاک کر دیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خیبر کے علاقے تیراہ میں خفیہ اطلاع پر آپریشن کیا  جس میں سکیورٹی فورسز کی جانب سے خوارج کے ٹھکانوں کو مؤثر طریقے سے نشانہ بنایاگیا۔
ترجمان آئی ایس پی آر کی جانب سے بتایاگیاکہ آپریشن میں خارجی عابد اللہ عرف تراب سمیت 5 خوارج ہلاک اور ایک خارجی کو گرفتار کرلیا گیا۔
آئی ایس پی آر کا کہنا ہے کہ ہلاک خوارجی دہشت گردوں کے قبضے سے اسلحہ اور گولہ بارود بھی برآمد ہوا اور مارے گئے۔
ترجمان کے مطابق مارے گئے خوارج سکیورٹی فورسزکےخلاف دہشتگردی کی متعدد کارروائیوں اور  علاقے میں معصوم شہریوں کے قتل میں ملوث تھے،انہوں نے مزید کہاکہ علاقے میں پائے جانے والے دیگر خوارج کے خاتمے کیلیے سینیٹائزیشن آپریشن جاری ہے۔
آئی ایس پی آر کے مطابق سکیورٹی فورسز ملک سےدہشتگردی کی لعنت کے خاتمے کیلئے پرعزم ہیں۔