حج کے خواہشمند افراد کے لیے بڑی خبر،درخواستیں جمع کروانے کا آخری موقع

اسلام آباد:حج کے خواہش مندوں کے لئے سرکاری سکیم کے تحت درخواستیں جمع کروانے کا آخری موقع ہے ،سرکاری اسکیم کے تحت عازمین حج کے لیےصرف ایک ہزار 380 نشستیں باقی رہ گئیں۔ 
 وزارت مذہبی امور نے سرکاری حج سکیم کے تحت درخواستوں کی وصولی کے آخری مرحلہ میں باقی رہ جانے والی پانچ ہزار محدود نشستوں پر درخواست وصولی کا اعلان کیا تھا۔
وزارت مذہبی امور کے اعدا د وشمار کے مطابق پانچ روز کے دوران 3120 حج درخواستیں جمع کرا دی گئیں۔سرکاری اسکیم کے تحت صرف ایک ہزار 380 نشستیں باقی رہ گئیں۔نئی درخواستوں کے ہمراہ ایک ارب 87 کروڑ 20 لاکھ روپے جمع کرا دیے گئے۔
ریگولرا سکیم کے تحت حج درخواستوں کی تعداد 81 ہزار 500 سے بڑھ کر 84 ہزار 620 ہو گئی۔
 ذرائع کے مطابق وزارت مذہبی امور نے محدود نشستوں پر حج درخواستوں کی وصولی جاری رکھنے کا فیصلہ کر لیا۔ملک بھر کے بینک پہلے" آئیے پہلے پائیے" کی بنیاد پر درخواستیں وصول کر رہے ہیں۔