خوارج کے خلاف کامیاب کارروائی پر صدر ، وزیر اعطم کی سکیورٹی فورسز کی تعریف

صدر آصف علی زرداری اور وزیراعظم شہبازشریف نے خیبرپختونخوا کے ضلع خیبر میں خوارج کے خلاف کامیاب کارروائی پر سکیورٹی فورسز کی تعریف کی ہے۔

انہوں نے اپنے الگ الگ پیغامات میں خفیہ اطلاعات کی بنیاد پر خوارج کے سرغنہ سمیت چار خوارج کو جہنم واصل کرنے پر سکیورٹی فورسز کی بہادری اور پیشہ وارانہ مہارت کو سراہا۔

انہوں نے فتنہ الخوارج کے مذموم ارادوں کو ناکام بنانے کے عزم کا اظہار کرتے ہوئے کہا کہ پوری قوم دہشتگردی کے خلاف جنگ میں سکیورٹی فورسز کے شانہ بشانہ ہے۔ 

دونوں رہنمائوں نے ملک سے دہشتگردی کے مکمل خاتمے تک اس کے خلاف جنگ جاری رکھنے کے عزم کا اعادہ کیا۔