ایڈیشنل رجسٹرار توہین عدالت کیس کا فیصلہ محفوظ، کل سنایا جائے گا

اسلام آباد:سپریم کورٹ میں ایڈیشنل رجسٹرار توہین عدالت کیس کا محفوظ کرلیا۔
ایڈیشنل رجسٹرار توہین عدالے کیس کا فیصلہ کل بروز پیر کو سنایا جائے گا۔
کیس کی سماعت جسٹس منصور علی شاہ اور جسٹس عقیل عباسی پر مشتمل سپریم کورٹ کے 2 رکنی بینچ نےکی ،جس کے بعد فیصلہ جمعرات کو محفوظ کیا گیا تھا۔
ینچز کے اختیارات کیس میں فل کورٹ کی تشکیل پر بھی عدالت نے دلائل طلب کئے تھے۔
خیال رہے کہ چند روز قبل سپریم کورٹ نے ایڈیشنل رجسٹرار جوڈیشل نذر عباس کو سنگین غلطی کا مرتکب قرار دیتے ہوئے عہدے سے ہٹا دیا تھا۔
 سپریم کورٹ کی جانب سے جاری کردہ اعلامیے میں رجسٹرار سپریم کورٹ کو ایڈیشنل رجسٹرار جوڈیشل کے معاملے کو دیکھنے کی ہدایت کی گئی تھی۔
اعلامیے کے مطابق ایڈیشنل رجسٹرار جوڈیشل نے آئینی بینچ کا مقدمہ غلطی سے ریگولر بینچ کے سامنے سماعت کیلئے مقرر کیا، جس سے سپریم کورٹ اور فریقین کے وقت اور وسائل کا ضیاع ہوا۔
دوسری جانب ایڈیشنل رجسٹرار نذر عباس نے شوکاز نوٹس واپس لینے کی استدعا کر رکھی ہے، ایڈیشنل رجسٹرار کی شوکاز کے خلاف انٹراکورٹ اپیل بھی لارجر بنچ میں کل سماعت کیلئے مقرر ہے۔