جماعت اسلامی کا آئی پی پیز کے معاملے پر 29جنوری کو ملک گیر احتجاج کا اعلان

آئی پی پیز کے معاملے پر جماعت اسلامی نے 29جنوری کو ملک گیر احتجاج کا اعلان  کردیا۔

کراچی میں نیوز کانفرنس سے خطاب کرتے ہوئے امیر جماعت اسلامی پاکستان حافظ نعیم الرحمن  نے کہا کہ 31 جنوری کو پورے پاکستان میں بیک وقت احتجاجی مظاہرہ کریں گے، آئی پی پیز پر جماعت اسلامی نے عوام کی ترجمانی کی۔ 

ان کا کہنا تھا کہ حکومت کہتی ہے سترہ آئی پی پیز سے بات ہوگئی ہے، اگر فائدہ ہوا ہے تو عوام کو ریلیف کیوں نہیں مل سکا۔ پالیمنٹیرینز کی تنخواہوں میں 140 فیصد اضافہ کردیا گیا،اراکینِ اسمبلی کی تنخواہوں میں اضافہ مسترد کرتے ہیں۔  جماعت اسلامی فلسطینیوں کے لئے کام کررہی ہے، غزہ کی بحالی پر پاکستان کو بطور ریاست کردار ادا کرنا ہوگا۔

امیر جماعت اسلامی نے کہا کہ  دباؤ سے نکلنے کے لئے لازمی ہے کہ تیزی سے مہم چلائی جائی،  پاکستان کو موجودہ حالات میں جلد کردار ادا کرنا چاہیے،  اب عرب ممالک سمیت دیگر پر دباؤ آئیگا کہ اسرائیل کو تسلیم کریں۔