پشاور:صوبائی حکومت کا تعلیمی نصاب میں موسمیاتی تبدیلی سے متعلق مضامین شامل کرنے پرغور

پشاور:خیبرپختونخواکی صوبائی حکومت نےصوبے کے تعلیمی نصاب میں موسمیاتی تبدیلی سے متعلق مضامین شامل کرنے پر غور شروع کر دیا گیا ہے۔
اس حوالے سےخیبرپختونخوا انوائرنمنٹل پروٹیکشن کونسل نے تجاویز کیلئے کمیٹی تشکیل دے دی ہے، سیکرٹری محکمہ موسمیات، جنگلات، ماحولیات اور جنگلی حیات کمیٹی کے چیئرمین ہوں گے۔
جبکہ چیئرمین خیبر پختونخوا ٹیکسٹ بک بورڈ، ڈائریکٹر کریکولم، ڈائریکٹر محکمہ اعلیٰ تعلیم کمیٹی کے ممبران ہوں گے۔
ڈائریکٹر ابتدائی و ثانوی تعلیم، چیئرمین شعبہ ماحولیاتی سائنسز جامعہ پشاور و دیگر کمیٹی کے ممبران نامزد کئے گئے ہیں۔
ماحولیاتی تبدیلی سے متعلق مضامین کے لئے نامزد کمیٹی میں نجی اسکولوں کے نمائندے بھی ممبران ہوں گے۔