اسلام آباد ہائیکورٹ میں نیشنل یونیورسٹی آف سیکیورٹی سائنسز بل سے متعلق فیصلہ محفوظ

اسلام آباد: اسلام آباد ہائیکورٹ نے نیشنل یونیورسٹی آف سیکیورٹی سائنسز بل سے متعلق فیصلہ محفوظ کر لیا۔
اسلام آبادہائی کورٹ میں نیشنل یونیورسٹی آف سیکیورٹی سائنسز بل کے متعلق سماعت ہوئی، کیس کی سماعت ہائیکورٹ کے چیف جسٹس عامر فاروق نےکی،جہاں انہوںنے ایڈیشنل اٹارنی جنرل کے دلائل سننے کے بعد فیصلہ محفوظ کیا۔
وکیل فاروق ایچ نائیک نے دلائل دیتے ہوئے کہا کہ قومی اسمبلی سے بل پاس ہوا، اور سمری وزیر اعظم کو بھیجی گئی۔ جس کی کابینہ نے منظور دی۔ مدارس رجسٹریشن بل بھی صدر نے واپس کیا پھر دوبارہ پارلیمنٹ سے پاس ہوا۔
دوران سماعت ایڈیشنل اٹارنی جنرل نے مؤقف اختیار کیا کہ صدر مملکت نے بل واپس پارلیمنٹ کو بھیج دیا، اور مشترکہ اجلاس میں اب پیش ہو گا۔ یونیورسٹی کے ساتھ لفظ نیشنل کی حد تک کابینہ ڈویژن کا آرڈر ہے۔
چیف جسٹس نے ریمارکس دیئے کہ ضروری نہیں جہاں لفظ نیشنل ہو وہاں گورنمنٹ ہی ہو پرائیویٹ بھی ہو سکتا ہے،انہوں نے ریمارکس دیتے ہوئے کہا کہ چھوٹا سا مسئلہ ہے اور اگر یونیورسٹی بنتی ہے تو بننے دیں۔ اٹارنی جنرل آفس حکومت کو بریف کرے۔