پی سی پی نے آئی سی سی چیمپئنز ٹرافی کے لیے 5 1رکنی اسکواڈ کا اعلان کر دیا

لاہور:پاکستان کرکٹ بورڈ (پی سی بی)نے آئی سی سی چیمپئنز ٹرافی کے لیے قومی ٹیم کے 15 رکنی اسکواڈ کا اٰعلان کر دیا ۔
چیمپئنز ٹرافی میں قومی ٹیم کی قیاد ت محمد رضوان کریں گے،جبکہ سلمان علی آغا نائب کپتان ہونگے۔
پی سی بی کی جانب سے اعلان کر دہ اسکواڈ کے دیگر کھلاڑیوں میںبابر اعظم،فخر زمان،سعود شکیل،کامران غلام اور طیب طاہر شامل ہیں۔
جبکہ آل راؤنڈرز میں فہیم اشرف، خوشدل شاہ اور سلمان علی آغا (نائب کپتان) اسکواڈ کا حصہ ہیں۔
پاکستان کی باوّلنگ لائن میں حارث روّف ،نسیم شاہ ،شاہین آفریدی،محمد حسنین اور اسپنر ابرار احمد کو شامل کیا گیا ہے۔
فاسٹ بولر فہیم اشرف، فخرزمان، خوشدل شاہ اور سعود شکیل کی قومی ٹیم میںواپسی ہوئی ہے۔
خیال رہے کہ چیمپئنز ٹرافی پاکستان میں 19 فروری سے 9 مارچ تک ہائبرڈ ماڈل کے تحت پاکستان اور یو اے ای میں ہوگی۔
 پی سی بی کے پاس اسکواڈ میں تبدیلی کے لیے 11 فروری تک کا وقت ہے اس کے بعد تبدیلی کی اجازت صرف طبی بنیادوں پر آئی سی سی ایونٹ ٹیکنیکل کمیٹی کی منظوری سے ہوگی۔
یہی ٹیم چیمپئنز ٹرافی سے قبل کراچی اور لاہور میں ہونے والی سہ فریقی ون ڈے سیریز میں بھی حصہ لے گی جس میں نیوزی لینڈ اور جنوبی افریقہ شامل ہیں۔
ایونٹ میں پاکستان  اپنا پہلا میچ 19 فروری کو نیوزی لینڈ کے خلاف کراچی میں کھیلے گا۔جبکہ پاک بھارت ٹاکر ا دبئی میں ہو گا۔