پی ٹی آ ئی رہنما نامعلوم افراد کے ہاتھوں قتل

پاکستان تحریک انصاف کے رہنما و انصاف یوتھ ونگ ضلع مہمند کے سینئر نائب صدر محمد عدنان کو نامعلوم افراد نے فائرنگ کر کے قتل کر دیا۔

اطلاعات کے مطابق یہ واقعہ مہمند ایجنسی کے علاقے میں پیش آیا۔ مقتول محمد عدنان چند دن پہلے ٹارگٹ کلرز کے حوالے سے ایک پیغام بھی دے چکے تھے، جس میں انہوں نے اس خطرے کا ذکر کیا تھا کہ ان کی جان کو بے حد خطرہ ہے ۔

محمد عدنان کی ہلاکت سے  علاقے کے عوام  میں خوف و ہراس پھیل گیا،  پی ٹی آئی کی مقامی قیادت نے اس واقعے کی شدید مذمت کی۔

واضح رہے کہ پارٹی نے مطالبہ کیا کہ ان کے قتل کی تحقیقات کی جائیں اور ملزمان کو فوری طور پر گرفتار کر کے انصاف کے کٹہرے میں لایا جائے۔