گورنر سندھ کی تھائی لینڈ کے قونصل جنرل سے ملاقات

ورنر سندھ کامران خان ٹیسوری سے تھائی لینڈ کے قونصل جنرل سراشیٹ بونٹینینڈ نے ملاقات کی، جس میں دونوں ممالک کے درمیان تجارت بڑھانے اور سرمایہ کاری کے مواقعوں پر تبادلہ خیال کیا گیا۔
گورنر سندھ نے کہا کہ تھائی لینڈ کے سرمایہ کار صوبے کے مختلف پرکشش شعبوں سے بھرپور استفادہ حاصل کر سکتے ہیں، خاص طور پر آئی ٹی اور دیگر ترقیاتی شعبوں میں۔

تھائی قونصل جنرل  سراشیٹ بونٹینینڈ نے کراچی میں تعلیم اور پینے کے صاف پانی کے منصوبوں میں دلچسپی کا اظہار کرتے ہوئے کہا کہ وہ اس حوالے سے متعلقہ حکام سے مزید بات چیت کریں گے۔

کامران خان ٹیسوری نے مزید کہا کہ وہ تھائی لینڈ سے تجارت میں اضافہ کے خواہشمند ہیں اور اس ضمن میں متعلقہ حکام سے بات کریں گے تاکہ دونوں ممالک کے درمیان اقتصادی تعلقات کو مزید مستحکم کیا جا سکے۔

گورنر سندھ نے قونصل جنرل کو یقین دہانی کراتے ہوئے کہا کہ سندھ حکومت اس شعبے میں اپنی بھرپور مدد فراہم کرے گی۔