مراکش کشتی حادثے میں جاں بحق ہونے والے4 پاکستانیوں کی لاشیں وطن واپس پہنچا دی گئیں

اسلام آباد: مراکش کشتی حادثے میں جاں بحق ہونے والے 4 پاکستانیوں کی لاشیں وطن پہنچادی گئیں۔ 
تفصیلات کے مطابق مراکش کشتی حادثے میں جاں بحق 4 پاکستانیوں کی لاشوں کو  پرواز ایس وی 726 کے ذریعے اسلام آباد پہنچایا گیا۔ 
حادثے میں جاں بحق ہونے والوں میں 2  کا تعلق منڈی بہاءالدین اور ایک کا تعلق شیخوپورہ سے ہے جب کہ جن افراد کی لاشیں وطن واپس لائی گئیں ان میں محمد ارسلان،علی سجاد،حامد شبیر اور اقبال وقاص شامل ہیں۔ 
پاکستانیوں کی وطن واپسی کے موقع پر وفاقی وزیر چوہدری سالک ائیرپورٹ پر موجود تھے۔
خیال رہےکہ 15 جنوری کو کشتی واقعہ میں 44 پاکستانیوں کے جاں بحق ہونے کی اطلاعات سامنے آئی تھیں تاہم مقامی حکام کو ریسکیو آپریشن کے دوران صرف 13 لاشیں ملیں جن کا تعلق پاکستان سے تھا جب کہ 27 سے زائد لاشیں نہیں ملیں۔