9 مئی مقدمات : پی ٹی آئی رہنماؤں یاسمین راشد،اعجازچودھری،محمود الرشید سمیت 31 ملزمان پر فرد جرم عائد

لاہور:انسداد دہشت گردی عدالت (اے ٹی سی ) نےسانحہ 9 مئی اورمسلم لیگ ن کا آفس جلانے کے دو مقدمات میں تحریک انصاف کے رہنمائوں سمیت 31 ملزمان پر فرد جرم عائد کر دی۔
انسداد دہشتگردی عدالت لاہور نے دونوں مقدمات میںپی ٹی آئی رہنماؤں یاسمین راشد ، عمر سرفراز چیمہ ، اعجاز چوہدری اور میاں محمود الرشید سمیت 31 افراد پر فرد جرم عائد کرتے ہوئے ملزمان کے خلاف گواہوں کو شہادت کے لیے طلب کر لیا۔

انسداد دہشتگردی عدالت نے مزید کارروائی کوٹ لکھپت جیل میں کرنے کا حکم دیتے ہوئے سماعت 20 فروری تک ملتوی کر دی۔
واضح رہے کہ ملزمان کے خلاف تھانہ گلبرگ اور تھانہ ماڈل ٹاؤن پولیس نے مقدمات درج کر رکھے ہیں جس میں پی ٹی آئی رہنماؤں پر بغاوت اور کارکنوں کو جلاؤ گھیراؤ پر اکسانے کا الزام ہے۔