بابر اعظم نے ویرات کوہلی کو پیچھے چھوڑتے ہوئے اہم اعزاز اپنے نام کر لیا

کراچی: پاکستان کرکٹ ٹیم کے مایہ ناز بلے باز بابر اعظم نے ون ڈے کرکٹ میں ویرات کوہلی کو پیچھے چھوڑتے ہوئے اہم اعزاز اپنے نام کر لیا۔
مایہ ناز بلے بازبابر اعظم نے ون ڈے کرکٹ میں تیز ترین 6 ہزار رنز مکمل کر کے بھارتی بلے باز ویرات کوہلی کو پیچھے چھوڑ دیا۔
اس فہرست میں پہلے نمبر پر جنوبی افریقا کے ہاشم آملہ موجود تھے جنہوں نے صرف 123 اننگز میں یہ سنگ میل عبور کیا تھا، دوسرے نمبر پر ویرات کوہلی تھے جنہوں نے 136 اننگز میں یہ کارنامہ سرانجام دیا تھا۔

جبکہ اسٹاربلے باز بابر اعظم نے 123 اننگز میں6000 رنز بنا کر ہاشم آملہ سے یہ ریکارڈ چھین لیا ہے، بابر اعظم ون ڈے انٹرنیشنلز میں 6 ہزار رنز مکمل کرنے 11 ویں پاکستانی ہیں۔

بابر اعظم نے یہ اعزاز کراچی میں کھیلے جانے والے سہ ملکی سیریز کے فائنل میچ میں اپنے نام کیا جہاں ان کو یہ ریکارڈ بنانے کے لیے 10 رنز درکار تھے۔
اس سے قبل پاکستان کی جانب سے سعید انور نے 162، محمد یوسف نے 168، جاوید میانداد نے 175، انضمام الحق نے 176، محمد حفیظ نے 196، یونس خان اور شعیب ملک نے 205، اعجاز احمد نے 210 اور سلیم ملک نے 212 میچز میں یہ سنگ میل عبور کیا ہے جبکہ اس فہرست میں شاہد آفریدی بھی شامل ہیں جنہوں نے 276 اننگز میں یہ کارنامہ سرانجام دیا ہے۔