ڈی جی آئی ایس پی آر کاآئی بی اے کے طلبہ کے ساتھ خصوصی نشست کا اہتمام

ڈا ئریکٹرجنرل آئی ایس پی آر کی طرف سے آئ بی اے کراچی کے طلبہ کے ساتھ خصوصی نشست کا اہتمام کیا گیا۔

گزشتہ دنوں ڈی جی آئی ایس پی آر لیفٹیننٹ جنرل احمد شریف چوہدری نے IBA کراچی کا دورہ کیا اور طلباء سے ملاقات کی جسے طلباء نے کافی سراہا اور خصوصی نشست کے اہتمام پر شکریہ ادا کیا۔

 ‏IBA آمد پر لیفٹیننٹ جنرل احمد شریف چوہدری کا طلباء کیجانب سے بھرپور استقبال کیا گیا۔ 

ڈی جی آئی ایس پی آر نے پاکستان کی ترقی اور خوش حالی میں طلبہ کے مثبت کردار کو سراہا۔  انھوں نے IBA کو لرننگ کا سمبل قرار دیا اور کہا کہ میں اس کامیابی پر IBA کے اساتذہ کو سلیوٹ پیش کرتا ہوں۔

‏IBA اپنی طرز کا نہ صرف بہترین ادارہ ہے بلکہ یہاں کا نظام تعلیم بھی دنیا کے جدید تقاضوں کے عین مطابق ہے۔ لیفٹیننٹ جنرل احمد شریف چوہدری نے IBA کے طلباء و طالبات کے سوالات کے جواب انتہائی خوش اسلوبی سے  دیئے اور ان کی تعمیری سوچ کو سراہا۔ 

طلبہ نے پاک افواج کی قربانیوں اور خدمات کو خراج تحسین پیش کیا ۔ 

اساتذہ اور طلبہ نے اظہار خیال کرتے ہوئے کہا کہ اُن کے سوالات کے تفصیلی جوابات دیئے گئے جو انتہائی تسلی بخش تھے۔ اس موقع پر طلبہ کا کہنا تھا کہ ہم سوشل میڈیا پر پاک فوج کے خلاف کیے جانے والے پروپیگنڈا کی مکمل نفی کرتے ہیں۔

طلبہ اور اساتذہ نے اس دلچسپ سیشن کو سراہا اور ڈی جی آئی ایس پی آر سے کہا کہ اس طرح کےمزید سیشن منعقد کیے جائیں۔

طلباء سے ملاقات کے سلسلے میں آج ڈی جی آئی ایس پی آر لاہور میں نیشنل کالج آف آرٹس NCA اور لاہور یونیورسٹی آف مینجمنٹ سائینسز LUMS کے طلباء و طالبات سے بھی ملاقات کریں گے۔