آئی پی آر آئی میں نئے صوبوں کے قیام پر گول میز کانفرنس منعقد

تفصیلات کے مطابق  ماہرین نے پاکستان میں انتظامی اصلاحات پر زور دیا ،  پنجاب 196 ممالک سے بڑا، وسائل کی مساوی تقسیم کے لیے نئی حد بندی ناگزیر ہیں ۔ 

تجزیہ کاروں نے اپنی رائے کا اظہار کرتے ہوئے کہا کہ نئے صوبے بنانے کے لیے پارلیمنٹ کو قیادت کرنی ہوگی ۔ 
 انہوں نے کہا کہ نئے انتظامی ڈھانچے سے عوامی سہولیات میں نمایاں بہتری متوقع ہے  ،  مقامی حکومتوں کو بااختیار بنانے سے بہتر طرزِ حکمرانی ممکن ہوگی ۔ 
تجزیہ کاروں نے کہا کہ  پاکستان میں صوبوں کی تعداد دیگر ممالک کے مقابلے میں بہت کم ہے صوبوں کی تعداد میں اضافہ کرنا ضروری ہے ۔ 
انتظامی ڈویژنز کو صوبوں میں بدلنے سے گورننس کی کارکردگی بہتر ہوگی ، وسائل کی غیر مساوی تقسیم اور انتظامی مسائل سے عوام میں بےچینی بڑھ رہی ہے ۔ 

انہوں نے کہا کہ  نئے صوبوں کے قیام کے لیے پارلیمانی کمیٹی کی تشکیل کی تجویز دی جائے ، ماہرین نے کہا کہ مقامی حکومتوں کو مستحکم کیے بغیر ترقی ممکن نہیں ہے ۔ 
 نئے صوبوں سے گورننس کے بحران کا خاتمہ اور عوامی بہبود میں بہتری متوقع ہے ۔ 

 واضح رہے کہ بیوروکریسی کی مداخلت مقامی حکومتوں کی کارکردگی کو متاثر کر رہی ہے ۔