چکوال: موٹروے پر مسافر بس کو خوفناک حادثہ، 8 افراد جاں بحق، متعددزخمی

چکوال: موٹروے ایم ٹو پر مسافر بس خوفناک حادثے کا شکار ہو گئی جس کے نتیجے میں 8 افراد جاں بحق جبکہ متعدد زخمی ہو گئے۔
ریسکیو ذرائع کے مطابق مسافر بس کو حادثہ نیلہ دولہاانٹر چینج کے قریب پیش آیا جہاں ایک تیز رفتا ر مسافر بس گہری کھائی میں جاگری جس کے نتیجے میں 5 افراد موقع پر جاں بحق جبکہ 18 زخمی ہو گئے جن میں سے 3 زخمی ہسپتال پہنچ کر دم توڑ گئے۔
ذرائع نے بتایا ہے کہ زخمیوں کو ابتدائی طبی امداد کے بعد ڈی ایچ کیو چکوال شفٹ کردیا گیا ہے، احتیاطی تدابیر کیساتھ موقع کو محفوظ کرلیا گیا جبکہ بس کو کرین کی مدد سے سیدھا کرلیا گیا ہے۔
ریسکیو حکام کے مطابق حادثے کا شکا ر ہونے والی کراچی سے سوات جارہی تھی۔
ریسکیو ذرائع کی جانب سے مزید بتایا ہے کہ بس میں 43 مسافر سوار تھے، حادثہ ڈرائیور کی غفلت کے باعث پیش آیا۔