چیمپئنز ٹرافی میں خراب کارکردگی پر انگلینڈ ٹیم کے کپتان نے استفی دے دیا

لاہور:آئی سی سی چیمپئنز ٹرافی میں خراب کارکردگی اور ٹورنامنٹ کے پہلے راونڈ سے باہر ہونے پر انگلینڈ ٹیم کے کپتان جوز بٹلر کپتانی سے نے استفی دے دیا۔
انہوں نے پریس کانفرنس میں اعلان کیا کہ وہ کراچی میں جنوبی افریقہ کے خلاف آخری بار ٹیم کی قیادت کریں گے۔
انگلش کپتان نے کہا ہے کہ چیمپئنز ٹرافی میں میری قیادت میں ٹیم کی کارکردگی خراب رہی،ٹیم کی کارکردگی پر مایوس ہیں،شکست کی ذمہ داری قبول کرتا ہوں اور کپتانی چھوڑ رہا ہوں۔
انہوں نے مزید کہا کہ وہ انگلینڈ کے لیے کھیلنا جاری رکھیں گے،مشکل وقت جلد گزر جائے گا اور میں اپنی کرکٹ سے حقیقی معنوں میں لطف اندوز ہو سکوں گا۔
بٹلر کے نائب کپتان ہیری بروک ان کی جگہ لینے کے لیے ابتدائی فیورٹ ہیں۔
خیال رہے کہ انگلینڈ آسٹریلیا اور افغانستان کے خلاف اپنے پہلے دو گروپ میچ ہارنے کے بعد کل کے میچ کے نتائج سے قطع نظر چیمپئنز ٹرافی سے پہلے ہی باہر ہو چکا ہے۔
 بٹلر کو جون 2022 میں ایون مورگن کا جانشین مقرر کیا گیا تھا اور انہوں نے اسی سال کے آخر میں آسٹریلیا میں ٹی 20 ورلڈ کپ جیتا تھا۔ لیکن بعد ازاں انگلینڈ کرکٹ ٹیم کی کارکردگی میں تیزی سے کمی آئی ہے۔