مہنگائی کے ستائے شہریوں کے لئےاچھی خبر، ایل پی جی سستی ہوگئی

اسلام آباد:مہنگائی کے ستائے شہریوں کیلئے اچھی خبر سامنے آگئی، حکومت نےایل پی جی کی فی کلو قیمت میں نمایاں کمی کر دی ۔
 آئل اینڈ گیس ریگولیٹری اتھارٹی (اوگرا) نے آئندہ ماہ مارچ کیلئے قیمتوں میں کمی کا نوٹیفکیشن جاری کر دیا۔
 اوگرا کی جانب سے جاری کردہ نوٹیفکیشن کے مطابق ایل پی جی کی فی کلو قیمت میں 6 روپے 15 پیسے کمی کی گئی ہے، جبکہ ایل پی جی کا گھریلو سیلنڈر 72 روپے 57 پیسے سستا کر دیا گیا۔
 ایل پی جی کی فی کلو نئی قیمت 247 روپے 82 پیسے، 11.8 کلو گرام گھریلو سیلنڈر کی نئی قیمت 2 ہزار 924 روپے 31 پیسے مقرر کر دی گئی۔
آئل اینڈ گیس ریگولیٹری اتھارٹی کے مطابق رواں ماہ فروری کیلئے گھریلو سیلنڈر کی قیمت 2 ہزار 996 روپے 88 پیسے تھی۔