مالاکنڈمیں مسلح افراد کی کار پر فائرنگ، ماں اور بیٹاجاں بحق

مالاکنڈ کی تحصیل درگئی میں مسلح افراد نے کار پر فائرنگ کرکے ماں اور بیٹے کو گولیاں مار کر قتل کردیا گیا۔

افسوس ناک واقعہ ضلع مالاکنڈ کی تحصیل درگئی میں اس وقت پیش آیا جب مالاکنڈ جیل سے قتل کے الزام میں قید قیصر نامی شخص ضمانت ملنے پر اپنی ماں کے ہمراہ اپنے گاؤں ضلع مردان جارہا تھا۔

درگئی کے مقام پر دوسری کار میں سوار مسلح افراد نے اندھا دھند فائرنگ شروع کردی، جس کے نتیجے میں ماں بیٹا موقع ہی پر جاں بحق ہوگئے۔

نامعلوم ملزمان واردات کے بعد فرار ہوگئے، مالاکنڈ لیویز نے لاشیں درگئی اسپتال منتقل کردیں۔

لیویز کا کہنا ہے کہ واقعہ دشمنی کا شاخسانہ ہے، ملزمان کو گرفتار کرنے کے لیے لیویز نے چھاپہ مار ٹیمیں تشکیل دے کر کارروائی شروع کردی۔