جنوبی کوریا:مارشل لاء لگانے والے صدر یون سک یول کو رہائی ملی گئی

سیول:مارشل لاء نافذ کرنے پر مواخذے کی تحریک کا سامنا کرنے والے جنوبی کوریا کے معطل صدر یون سک یول کو رہا کر دیا گیا۔
معطل صدر یون سک یول کو جنوری میں حراست میں لیا گیا تھا، رہائی کے بعد وہ مسکراتے ہوئے حراستی مرکز سے باہر آئے اور حامیوں کے ایک چھوٹے سے ہجوم کے سامنے سر جھکا دیا۔
یون سک یول  نے اپنے وکلا کے ذریعے جاری ایک بیان میں کہا کہ میں ملک کے لوگوں کا شکریہ ادا کرنے کے لیے اپنا سر جھکاتا ہوں۔
عدالت نے گزشتہ روز ان کے وارنٹِ گرفتاری منسوخ کر دیے تھے، تاہم وارنٹِ گرفتاری منسوخ کے باوجود انہیں رہا نہیں کیا گیا تھا۔
تاہم پراسیکیوٹرز کی جانب سے عدالتی فیصلے کے خلاف اپیل دائر کیے جانے کے امکان کے تحت انہیں رہا نہیں کیا گیا تھا۔
سابق کورین صدر یون سک یول 15 جنوری سے زیر حراست تھے۔
 خیال رہے کہ انہیں 3 دسمبر کو مارشل لاء کے نفاذ کے الزام میں مقدمے کا سامنا کرنا ہو گا، اس دوران وہ صدارتی فرائض کی انجام دہی سے معطل رہیں گے۔