پنجاب اسمبلی اجلاس میں ترمیم نوٹریزسمیت پانچ بلوں کا مسودہ قانون کثرت رائے سے منظور

لاہور:پنجاب اسمبلی کے اجلاس میںترمیم نوتریز سمیت پانچ بلوں کا مسودہ قانون کثرت رائے سے منظورکر لیا گیا۔
تفصیلات کے مطابق پنجاب اسمبلی کے ایوان میں پانچ بلوں کا مسودہ قانون ترمیم نوٹریز، مسودہ قانون ترمیمی بل صوبائی موٹر گاڑیاں، مسودہ قانون فرانزک سائنس اتھارٹی پنجاب، مسودہ قانون سہولت بازار اتھارٹی پنجاب، مسودہ قانون پبلک پرائیویٹ پارٹنر شپ پنجاب 2025ء کثرت رائے سے منظور کیے گئے۔
اسمبلی میں بل وزیر پارلیمانی امور مجتبیٰ شجاع الرحمن نے پیش کئے،دوران اجلاس اپوزیشن کی جانب سے بلز پر تمام ترامیم مسترد کردی گئیں۔

 بل پنجاب اسمبلی سے منظورہونے کے بعد گورنرپنجاب کو پیش کیے جائیں گا، گورنرکی منظوری کے بعد ایکٹ فوری طور پر نافذالعمل ہو جائیں گے۔
اسپیکر پنجاب اسمبلی ملک احمد کا کہنا ہے کہ غیر تربیت یافتہ گارڈ شہری کو فائر مار رہے ہیں، ڈالہ کلچر ختم ہونا چاہیے، سوچتا ہوں اسپیکر کے ساتھ جو گاڑیوں کی سہولیات ہیں انہیں واپس کردوں، جب سڑک سے پروٹو کول میں گزرتا ہوں تو لوگوں کی نفرت والی نگاہوں کا شکار ہوتا ہوں۔
اسپیکر اسمبلی نے مزید کہا کہ اس دفتر آتا ہوں تو پروٹوکول لیتا ہوں، مجھ سےغلطی ہوئی ہے جس کو سدھارنے کی کوشش کررہا ہوں، پروٹوکول لیا، اب دل کرتا ہے واپس دیدوں، ڈالہ اورگارڈزوالا کلچرکا خاتمہ کرنا ہوگا۔