پاکستان نے قرض پروگرام پرسختی سے عمل کیا، بات چیت مثبت رہی،آئی ایم ایف

اسلام آباد:عالمی مالیاتی فنڈ (آئی ایم ایف) نےکہا ہے کہ پاکستان نے قرض پروگرام پر سختی سے عمل کیا، بات چیت مثبت رہی۔
کنڑی ہیٖڈ، نیتھن پورٹر کی سربراہی میں آئی ایم ایف کے جائزہ مشن نے اعلامیہ جاری کر دیا۔
آئی ایم ایف کی جانب سے جاری اعلامیے میں کہا گیا ہے کہ پاکستان کے ساتھ 7 ارب ڈالر قرض پروگرام پر جائزہ کے لیے بات چیت ہوئی، پاکستان کیساتھ بات چیت مثبت رہی، مزید بات چیت آن لائن جاری رہے گی۔
آئی ایم ایف اعلامیے میں مزید کہا گیا ہے کہ پاکستان نے موجودہ قرض پروگرام پر سختی سےعمل درآمد کیا، پاکستان کے ساتھ 7 ارب ڈالر قرض پروگرام، کلائمیٹ فنانسنگ اور قرضوں کی ادائیگی کی مینجمنٹ پر بھی گفتگو ہوئی۔
علامیے کے مطابق پاکستان کے ساتھ توانائی کے شعبے میں لاگت کم کرنے، بہتری، صحتِ عامہ کی بہتری، تعلیم کے فروغ، سماجی تحفظ اور معاشی ترقی کی شرح بڑھانے پر بھی گفتگو ہوئی۔
جبکہ موسمیاتی اصلاحات کے ایجنڈے پر بات چیت کی گئی، اعلامیہ میں کہا گیا کہ موسمیاتی اصلاحات کا مقصد قدرتی آفات کے خطرات کو کم کرنا ہے۔
آئی ایم ایف کی جانب سے کہا گیا ہے کہ پاکستان کے ساتھ بات چیت مثبت رہی، مفید بات چیت اور مہمان نوازی کے لیے پاکستانی حکام کا شکریہ ادا کرتے ہیں۔