مہنگا سونا مزید مہنگا، قیمتیں تاریخ کی نئی بلند ترین سطح پر پہنچ گئی

کراچی: سونے کی قیمتوں میں مسلسل اضافہ جاری ہے،عالمی و مقامی مارکیٹوں میںسونے کی قیمت تاریخ کی بلند ترین سطح پر پہنچ گئی۔
آ ل پاکستان جیمزاینڈ جیولرز ایسوسی ایشن کے مطابق کاروباری ہفتے کے دوسرے روزمقامی مارکیٹوں میں 24گرام سونے کی فی تولہ  قیمت میں 2550روپے کا اضافہ ہو اہے جس کے بعد 24 گرام سونے کی نئی قیمت  3لاکھ 17ہزار 350روپے کی نئی بلند ترین سطح پر پہنچ گئی۔
اسی طرح 10گرام سونے کی قیمت میں بھی 2186روپے کا اضافہ ہوا ہے جس کے بعد مقامی مارکیٹ میں دس گرام سونے کی نئی قیمت  2لاکھ 72ہزار 76روپے کی بلند ترین سطح پر آگئی۔
دوسری جانب عالمی مارکیٹ میں فی اونس سونے کی قیمت 25ڈالر کا اضافہ ہوا ہے جس کے بعد عالمی مارکیٹ میں سونے کی نئی قیمت 3022ڈالر کی نئی بلند ترین سطح پر پہنچ گئی ہے۔