عیدالفطر کے موقع پر پاکستا ن ریلوے نے کرایوں میں کمی کا اعلان کر دیا

لاہور: پاکستان ریلوے نے عیدالفطر کے موقع پر مسافروں کی سہولت کیلیے کرایوں میں رعایت دینے کا اعلان کر دیا۔
اس حوالے سے پاکستان ریلویز کی جانب سے  نوٹیفکیشن جاری کر دیا۔
پاکستان ریلوے کی جانب سے ہر سال عید کے موقع پر اسپیشل ٹرینیں چلانے اور کرایوں میں رعایت دینے کا اعلان کیا جاتا ہے،اس دفعہ بھی جاری نوٹیفکیشن کے مطابق اس بار عیدالفطر پر کرایوں میں 20 فیصد رعایت دینے کا اعلان کیا گیا۔
جاری کر دہ نوٹیفکیشن میںمزید بتایاگیا ہے کہ تمام میل، ایکسپریس اور انٹر سٹی ٹرینوں پر خصوصی رعایت ہوگی، کرایوں پر خصوصی رعایت صرف عیدالفطر کے تینوں روز تک ہی ہوگی۔
 20 فیصد کرایوں میں کمی کا اطلاق ایڈوانس بکنگ پر بھی ہوگا تاہم عید اسپیشل ٹرینوں پر نہیں ہوگا، پاکستان ریلوے نے کرایوں میں کمی کیلیے تمام بکنگ دفاتر کو ہدایت کر دی۔
خیال رہے کہ اس سے قبل پاکستان میٹھی عید کے موقع پر پانچ عید اسپیشل ٹرینیں چلانے کا اعلان بھی کر چکا ہے۔
جس کے مطابق پہلی عید اسپیشل ٹرین کراچی سے لاہور 26 مارچ کو روانہ ہوگی،دوسری عید اسپیشل ٹرین 26 مارچ کو کوئٹہ سے صبح 10 بجے پشاور کیلیے روانہ ہوگی۔
 تیسری ٹرین کراچی سے 27 مارچ کو رات 8 بجے راولپنڈی کیلیے روانہ ہوگی چوتھی 27 مارچ کو رات ساڑھے 8 بجے کراچی سے لاہور، جبکہ پانچویںٹرین کراچی سے لاہور کیلیے 28 مارچ کو روانہ ہوگی۔
عید اسپیشل ٹرینیں اکنامی کلاس، اے سی بزنس اور اے سی اسٹینڈرڈ بوگیوں پر مشتمل ہوگی۔