ایوانِ صدر میں یتیم بچوں کیلئے خصوصی افطار ڈنر کا اہتمام

صدر مملکت آصف علی زرداری نے پاکستان آرفن کیئر فورم کے زیرِ کفالت یتیم بچوں کے لیے ایوانِ صدر میں ایک خصوصی افطار ڈنر کا اہتمام کیا۔

تقریب کے دوران صدر مملکت نے یتیم بچوں سے خطاب کرتے ہوئے کہا کہ بچے ہمارا مستقبل ہیں، اور ان کی تعلیم پر خصوصی توجہ دی جانی چاہیے۔

یہ افطار ڈنر رمضان المبارک کی بابرکت ساعتوں میں یتیم بچوں کو خوشیوں کا حصہ بنانے کے لیے ترتیب دیا گیا تھا ، صدر مملکت نے اس موقع پر آرفن کیئر فورم کے زیرِ کفالت بچوں میں بطور تحفہ کمپیوٹر ٹیبلٹس بھی تقسیم کیے۔

انہوں نے کہا کہ محنت کریں تاکہ آپ کامیاب انسان بن سکیں اور میں آپ سب کو اپنے بچوں کی طرح عزیز سمجھتا ہوں۔