فرانس: اپوزیشن رہنما میرین لاپین غبن کے الزام میں 5 سال کے لیے نااہل قرار

فرانس کی اپوزیشن رہنما میرین لاپین کو 5 سال کے لیے نااہل قرار دے دیا گیا۔

تفصیلات کے مطابق یورپی یونین کے فنڈز میں غبن کا الزام ثابت ہونے پر فرانس کی اپوزیشن رہ نما ماغین لاپین کو 5 سال کے لیے کسی بھی سیاسی عہدے کے لیے نااہل قرار دے دیا گیا۔

رپورٹ کے مطابق میرین لاپین کو 4 سال قید اور 2 سال کی معطل سزا بھی سنا دی گئی، معطل شدہ سزا وہ گھر پر نظربندی میں گزاریں گی جبکہ انہیں ایک لاکھ یورو جرمانہ بھی بھرنا پڑے گا۔

 میرین لاپین کی دائیں بازو کی جماعت نیشنل ریلی کو بھی 20 لاکھ یورو ادا کرنے کا حکم دیا گیا ہے۔

واضح رہے میرین لاپین 2027 کے صدارتی انتخابات میں حصہ لینے کی تیاری کر رہی تھیں۔