پاکستانی سپر اسٹار فواد خان کی 9 سال بعد بالی ووڈ میں واپسی، نئی فلم کا ٹیزر جاری

پاکستان کے سپر اسٹار فواد خان تقریباً 9 سال بعد بالی ووڈ میں واپسی کیلئے تیار ہیں وہ رومانوی کامیڈی فلم ’ابیر گلال‘ میں وانی کپور کے ساتھ مرکزی کردار ادا کریں گے۔

رومانوی کامیڈی فلم کا ٹیزر یکم اپریل 2025 کو جاری کر دیا گیا، جس میں فواد خان اپنی جادوئی آواز اور دلکش آنکھوں سے وانی کپور کو متاثر کرتے نظر آتے ہیں۔ فلم 9 مئی 2025 کو سینما گھروں کی زینت بنے گی۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Vaani Kapoor (@vaanikapoor)

منٹ 2 سیکنڈ کے اس ٹیزر کا آغاز ایک سوال سے ہوتا ہے’ آخری بار آپ کب محبت میں گرفتار ہوئے تھے؟‘ اس کے بعد فواد اور وانی کو ایک کار میں دکھایا گیا ہے، جہاں فلم 1942: اے لو اسٹوری کا گانا ’کچھ نہ کہو‘ ریڈیو پر چلتا ہوا دکھایا گیا۔ فواد اس گانے کو گنگناتے ہیں، اور وانی فواد کی آواز  کے سحر میں مبتلا ہو جاتی ہیں۔   

یہ فلم لندن میں بنائی گئی ایک خوبصورت لو اسٹوری ہے، جس کی ہدایتکاری آرتی ایس بگڈی نے کی ہے جبکہ پروڈیوسرز ویوک بی اگروال، اوانٹیکا ہری، اور راکیش سپی ہیں۔

فلم میں فواد اور وانی کے ساتھ لیزا ہیڈن، رِدھی ڈوگرا، فریدہ جلال، سونی رازدان، پرمیت سیٹھی، اور دیگر اداکار بھی شامل ہیں۔