نیوزی لینڈ میں موجود پاکستان کرکٹ ٹیم کی قوم کو عید کی مبارکباد

نیوزی لینڈ میں موجود پاکستان کرکٹ ٹیم نے قوم کو عید کی مبارکباد دیتے ہوئے نیک خواہشات کا اظہار کیا ہے۔

قومی کرکٹ ٹیم نے عید الفطر کی نماز ہملٹن میں ادا کی،  اس موقع پر کھلاڑیوں نے ایک دوسرے کو بھی مبارک باد دی، فینز نے قومی ٹیم کے پلیئرز کے ساتھ تصاویر بھی بنوائیں۔

کرکٹرز نے قوم کو مبارک باد دیتے ہوئے کہا ہے کہ اپنا اور دوسروں کا خیال رکھیں، خود بھی عید منائیں اور دوسروں کو بھی عید کی خوشیوں میں شامل کریں۔ 

واضح رہے کہ قومی ٹیم آج دوپہر 2 بجے سیڈن پارک میں ٹریننگ کرے گی۔ پاکستان نیوزی لینڈ کا دوسرا ون ڈے کل کھیلا جائے گا۔

میزبان نیوزی لینڈ کو 3 ون ڈے میچز کی سیریز میں ایک صفر کی برتری حاصل ہے۔