امریکی ریاست ٹیکساس میں خسرہ کی وباء نے شدت اختیار کرلی، سینکڑوں کیسز رپورٹ

امریکی ریاست ٹیکساس میں خسرہ کی وباء نے شدت اختیار کرلی، سینکڑوں کیسز سامنے آگئے۔

غیر ملکی ذرائع ابلاغ کے مطابق ٹیکساس میں اب تک 480 سے زائد خسرہ کے کیسز رپورٹ ہو چکے جبکہ امریکا بھر میں خسرہ سے اب تک 3 افراد لقمہ اجل بن چکے ہیں،رپورٹس کے مطابق خسرہ کے کیسز نیو میکسیکو، اوکلاہوما اور کنساس تک پھیل چکے ہیں۔

امریکی وزیرِ صحت رابرٹ ایف کینیڈی جونیئر کا اس حوالے سے کہنا ہے کہ رواں سال 600 سے زائد کیسز رپورٹ ہوئے، خسرہ کے پھیلاؤ کو روکنے کا سب سے مؤثر طریقہ MMR ویکسین ہے، امریکا 2000ء میں ملک سے خسرہ کے خاتمے کا اعلان کر چکا ہے۔