مہاجرین کی ملک بدری کا سلسلہ جاری،ایک ہفتے میں 20 ہزار سے زائد غیر قانونی افغانی بے دخل

اسلام آباد:پاکستان سے غیر قانونی افغان مہاجرین کو افغانستان بھجوانے کا سلسلہ جاری ہے، یکم اپریل سے اب تک 20 ہزار سے زائد غیر قانونی تارکین وطن کو واپس بھجوایا جا چکا ہے۔
تفصیلات کے مطابق 3ہزار 53 پروف آف ریذیڈنس (پی او آر) کارڈ کے حامل جبکہ 17 ہزار 694 غیر قانونی مقیم افغانیوں کو طورخم بارڈر سے افغانستان بھجوایا گیا ہے۔
اسی طرح خیبر پختونخوا سے 11 ہزار 134، پنجاب سے 5 ہزار 868 ، اسلام آباد سے ایک ہزار 733 ، سندھ سے 44 جبکہ آزاد کشمیر سے 39 افغانیوں کو طورخم کے راستے افعانستان بھیجا گیا ہے۔
امیگرہشن حکام کے مطابق ستمبر 2024 سے اب تک مجموعی طور 4 لاکھ 95 ہزار غیر قانونی مہاجرین کو افغانستان بھجوایا جا چکا ہے۔
دوسری جانب پنجاب میں بھی غیر قانونی مقیم غیر ملکیوں کے خلاف کارروائی جاری ہے، گزشتہ روز صوبے بھر سے 1,047 افغان باشندوں کو حراست میں لے کر خیبرپختونخوا منتقل کیا گیا، جہاں سے انہیں افغانستان روانہ کیا جائے گا۔