فیصل آبادمیں پیشی پر عدالت جاتے ہوئے ماں، بیٹااور بھانجا قتل 

پنجاب کے ضلع فیصل آباد میں مخالفین نے پیشی پر عدالت جاتے ہوئے ماں بیٹے اور بھانجے کو فائرنگ کر کے قتل کر دیا۔
تفصیلات کے مطابق یہ افسوسناک واقعہ فیصل آباد کی تحصیل تاندلیانوالہ کے گاؤں واں موچیاں اسٹاپ کے قریب پیش آیا جہاں گھات لگائے بیٹھےملزمان نے اندھا دھند فائرنگ کرکے زہراں بی بی، اس کے بیٹے عباس اور بھانجے مزمل کو موت کے گھاٹ اتاردیا۔
فیصل آباد پولیس کے مطابق تینوں افراد موٹر سائیکل پر تاریخ پیشی پر عدالت جارہے تھے کی مخالفین کی گولیوں کا نشانہ بن گئے۔
مقتولین اور مخالفین کے درمیان پہلے بھی قتل کے مقدمات چل رہے ہیں، جس کی پاداش میں تینوں پر فائرنگ کی گئی۔
دوسری جانب اس واقعے کے بعد آر پی او نے نوٹس لیتے ہوئے ملزمان کی گرفتاری کے لیے ٹیمیں تشکیل دے دیں جس نے ملزمان کی تلاش شروع کر دی۔