پاکستان میں پیدا ہونے والے آنجہانی اداکارمنوج کمار کتنی جائیداد چھوڑ گئے؟تفصیلات سامنے آگئیں

ممبئی: پاکستان میں پیدا ہونے بالی وڈ کے آنجہانی اداکار منوج کمار کی جائیداد اور اثاثوں کی تفصیلات سامنے آ گئیں۔
انڈین میڈیا رپورٹس کے مطابق آنجہانی اداکارمنوج کمار کی موت کے وقت ان کے اثاثوں کی کل مالیت 170 کروڑ بھارتی روپے تھی،وہ ناصرف مقبول فلمی ہیرو تھے بلکہ ایک اچھے سرمایہ کار اور بزنس مین بھی تھے۔

خیال رہے کہ چند روز قبل بالی وڈ کے نامور اداکارمنوج کمارطویل علالت کے بعد 87 سال کی عمرمیں چل بسے تھے۔
میڈیا رپورٹس کے مطابق وہ ممبئی کے کوکیلا بین دھیرو بائی امبانی ہسپتال میں داخل تھے جہاں دل سے متعلق پیچیدگیوں کی وجہ سے 4 اپریل کو صبح ساڑھے 3 بجے ان کا انتقال ہوا، میڈیکل سرٹیفکیٹ کے مطابق اداکار کی موت کی ثانوی وجہ جگر کی خرابی تھی۔
خیال رہے کہ پاکستان کے ایبٹ آباد میں پیدا ہونے والے اداکار منوج کمار کا اصل نام ہری کرشنن گوسوامی تھا اور حب الوطنی پر مبنی فلموں میں کام کرنے کی وجہ سے اُنہیں "بھارت کمار" کا لقب  بھی دیا گیا تھا۔