بالی وڈ اداکار اجے دیوگن کی فلم ’’ریڈ 2 ‘‘کا سنسنی خیز ٹریلر جاری ،فلم کب ریلیز ہو گی؟

ممبئی: بالی ووڈ کے سنگھم کہلائے جانے والے نامور اداکاراجے دیوگن کی فلم ’’ریڈ 2 ‘‘سنسنی خیز ٹریلر جاری کردیا گیا ہے۔ 
یہ فلم 2018 میں ریلیز اور بلاک بسٹر ثابت ہونے والی فلم ’ریڈ‘ کا سیکوئل ہے جس میں رتیش دیشمکھ بطور وِلن ایک کرپٹ سیاستدان کا مضبوط کردار ادا کرتے نظر آرہے ہیں۔
یہ فلم ماضی کی مقبول ایکشن تھرلر درشیام، شیطان اور انیمل کے میکرز بھشن کمار اور کرشن کمار کی جانب سے پروڈیوس کی گئی ہے جس کی ہدایتکاری راج کمار گپتا نے کی ہے جو اس فلم کے پچھلے حصے کی ہدایتکاری بھی کرچکے ہیں۔

فلم میں اجے دیوگن فلم میں انکم ٹیکس آفیسر امے پٹنائک کا کردار نبھائیں گے جو کرپشن اور کرپٹ حکمرانوں کیخلاف آپریشن کرتا ہے اور ان کی چھپائی ہوئی دولت کا راز فاش کر کے اسے قبضے میں لیتا ہے،جبکہ وانی کپور امے پٹنائک کی بیوی کا کردار ادا کر رہی ہیں۔
فلم کی دیگر کاسٹ میں سوربھ شکلا، سورپیا پاٹھک، اور رجت کپور شامل ہیں۔ 
بالی وڈ کی سنسنی اور تھرلر سے بھرپور یہ فلم 1 مئی 2025 کو سنیما گھروں کی زینت بنے گی جس کا شائقین کو بےصبری سے انتظار ہے۔