پی ایس ایل: ملتان سلطانز کا پشاور زلمی کیخلاف ٹاس جیت کر بیٹنگ کا فیصلہ

ملتان:پاکستان سپر لیگ (پی ایس ایل) کے 25 ویں میچ میں ملتان سلطانز نے پشاور زلمی کیخلاف ٹاس جیت کر بیٹنگ کا فیصلہ کیا ہے۔
ملتان کرکٹ سٹیڈیم میں ہونے والے میچ میں ملتان سلطانز کے کپتان محمد رضوان نے پشاور زلمی کیخلاف ٹاس جیت کر بیٹنگ کو ترجیح دی ہے۔
پشاور کے لیے میچ جیتنا لازم ہے اگر آج کا میچ ہارے تو اگلے دونوں میچوں کو لازمی جیتنا ہوگا، بابر الیون نے اب تک 7 میں سے صرف 3 میچ جیتے ہیں۔
ہیڈ ٹو ہیڈ مقابلوں میں سلطانز کا پلڑا بھاری ہے 17 میں سے 11 میچوں میں کامیابی حاصل کی ہے۔
واضح رہے کہ گزشتہ روز لاہور میں کراچی کنگز اور لاہور قلندرز کے درمیان میچ کھیلا گیا تھا، جس میں کراچی کنگز نے لاہور قلندرز کو سنسنی خیز مقابلے کے بعد شکست دے دی۔ 
خیال رہے کہ اس وقت پوائنٹس ٹیبل پر پشاور زلمی کے 6 جبکہ ملتان سلطانز کے 2 پوائنٹس ہیں۔