چیئرمین سینیٹ یوسف رضا گیلانی کی پوپ لیو کی حلف برداری کی تقریب میں شرکت

ویٹی کن سٹی:چیئرمین سینیٹ یوسف رضا گیلانی نے ویٹی کن میںکیتھولک مسیحیوںکے مذہبی پیشوا پوپ لیو XIV کی حلف برداری کی تقریب میں شرکت کی،چیئرمین سینیٹ نے پوپ لیو XIV کی حلف برداری کی روحانی تقریب میں پاکستان کی نمائندگی کی۔
چیئرمین سینیٹ سید یوسف رضا گیلانی نےپوپ لیو کی حلف برداری کی تقریب میں شرکت کو بین المذاہب ہم آہنگی اور خیرسگالی کی علامت قرار دیا ہے۔
چیئرمین سینیٹ یوسف رضا گیلانی نے حکومت اور پاکستانی عوام کی نیک تمنائیں پوپ لیو XIV کو پہنچائیں۔
سید یوسف رضا گیلانی نے کہا کہ بین المذاہب مکالمے، امن اور باہمی احترام پاکستان کی پالیسی کا اہم جزو ہے، قائداعظم کے وژن کے مطابق پاکستان میں تمام مذاہب کو آزادی اور وقار سے جینے کا حق حاصل ہے،انہوںنے کہا کہ پاکستان کا عالمی سطح پر امن، ہم آہنگی اور بین المذاہب احترام کا مثبت پیغام ہے۔
پوپ لیو کی حلف برداری تقریب میں دنیا بھر کے سربراہان مملکت اور عالمی رہنماؤں نے شرکت کی۔