اسلام آباد،راولپنڈی سمیت ملک کے مختلف شہروں میں بارش،گرمی کا زور ٹوٹ گیا

اسلام آباد:وفاقی دارالحکومت اسلام آباد کے مختلف علاقوں میں آندھی اور طوفانی ہوائیں چلنے کے بعد گرج چمک کیساتھ موسلا دھار بارش ہوئی ،جس سے گرمی کا زور ٹوٹ گیا ،اور پریشان حال شہریوں نے سکھ کا سانس لیا۔
اسی طرح راولپنڈی میں بھی وقفے وقفے سے بارش کا سلسلہ جاری ہے ،اٹک اور گردونواح میں تیز ہواؤں کے ساتھ موسلا دھار بارش ہوئی جس سے جھلستی گرمی کا زور ٹوٹ گیا جبکہ بارش سے کئی علاقوں میں بجلی کی فراہمی معطل ہوگئی ۔
دن بھر کی شدید گرمی کے بعد شام ڈھلتے ہی ملک  کے مختلف شہروں میں آندھی کیساتھ موسلا دھار بارش ہوئی جس سے موسم خوشگوار ہوگیا،جبکہ گرمی سے  بارش ہونے سے مختلف شاہرائوں پر پانی کھڑا ہوگیا جس سے ٹریفک کی روانی بھی متاثر ہوئی۔
جبکہ اس کے علاوہ پشاور میں شدید آندھی اور طوفان کے باعث کئی مقامات پر درخت اور سائن بورڈز گرنے کے باعث 2 خواتین سمیت کئی افراد زخمی ہو گئے۔