Advertisement
پاکستان

وزیر خارجہ کی چینی وزیر سے ملاقات، دو طرفہ تعاون اوراسٹریٹجک تعاون مضبوط بنانے پر اتفاق

اسٹریٹجک شراکت دار اور بہترین دوست ملک ہونے کے ناطے پاکستان کے ساتھ تعلقات چین کی ترجیح ہیں،چینی وزیر

GNN Web Desk
شائع شدہ a year ago پر May 20th 2025, 12:59 pm
ویب ڈیسک کے ذریعے
وزیر خارجہ کی چینی وزیر سے ملاقات، دو طرفہ تعاون اوراسٹریٹجک تعاون مضبوط بنانے پر اتفاق

بیجنگ:نائب وزیر اعظم اور وزیر خارجہ اسحاق ڈار نے بیجنگ میں چینی کمیونسٹ پارٹی کے وزیر لیو جیان چاؤ سے ملاقات کی،جس میں  پاکستان اور چین کی سیاسی پارٹیوں کے درمیان رابطوں کو مزید مستحکم کرنے پر تبادلہ خیال کیا گیا۔
دوران ملاقات وزیر خارجہ اسحاق ڈار نے پاکستان کی خودمختاری اور علاقائی سلامتی کے حوالے سے چین کی غیر متزلزل حمایت کو سراہا۔ انہوں نے کہا کہ پاکستان چین کے ساتھ اپنے تعلقات کو انتہائی اہمیت دیتا ہے اور دونوں ممالک کے درمیان دوطرفہ تعاون کو مزید فروغ دینے کا خواہاں ہے۔
وزیر خارجہ اسحاق ڈار کامزید کہنا تھا کہ پاکستان چین کے ساتھ آہنی دوستی کو مزید فروغ دینے کا خواہاں ہے۔


اس موقع پر چینی وزیر لیوجانگ چاؤ نے کہا کہ اسٹریٹجک شراکت دار اور بہترین دوست ملک ہونے کے ناطے پاکستان کے ساتھ تعلقات چین کی ترجیح ہیں۔ 
 چینی وزیر لیو جیان چائو نے کہا کہ چین پاکستان کی خودمختاری اور علاقائی سالمیت کی حمایت جاری رکھے گا۔
ملاقات میں دونوں رہنمائوں نے اسٹریٹجک تعاون مزید مضبوط بنانے پر اتفاق کیا، اس کے علاوہ سیاسی جماعتوں اور چینی کمیونسٹ پارٹی کے مابین روابط بڑھانے پر بھی اتفاق کیا گیا۔

Advertisement