پاکستان نے گولڈن ٹیمپل کو نشانہ نہیں بنایا ، بھارتی الزام بے بنیاد ہے ، دفتر خارجہ

اسلام آباد: ترجمان دفتر خارجہ شفقت علی خان نے بھارتی الزامات کو مستر د کرتے ہوئے کہا ہے کہ پاکستان نے امرتسر میںسکھوں کے مقدس مقام گولڈن ٹیمپل کونشانہ نہیں بنایا۔
اسلام آباد میںمیڈیا بریفنگ دیتے ہوئے ترجمان دفتر خارجہ شفقت علی خان نے کہا ک بھارتی الزامات جھوٹے اور ناقابل قبول ہیں ، گولڈن ٹیمپل سکھ برادری کا مقدس مقام ہے ، پاکستان سکھ مذہب کے مقدس مقامات کا نگہبان ہے۔
ترجمان شفقت علی خان نے کہا کہ ہر سال ہزاروں سکھ یاتری پاکستان کا دورہ کرتے ہیں ، پاکستان کرتارپور راہداری کے ذریعے ویزا فری رسائی فراہم کرتا ہے۔
انہوں نے مزید بتایا کہ 6 اور 7 مئی کی درمیانی شب بھارت نے پاکستان میں عبادت گاہوں کو نشانہ بنایا ۔
انہوں نے کہا کہ بھارت کے الزامات اس ناقابل قبول فعل سے توجہ نہیں ہٹا سکتےان کا کہنا تھا کہ گولڈن ٹیمپل کو نشانے بنانے کے حوالے سے بھارت کا جھوٹا پروپیگنڈا اصل حقائق سے توجہ ہٹانے کی کوشش ہے۔

خیال رہے کہ کچھ روز قبل بھارت کی جانب سے دعوی کیا گیا تھا کہ پاکستان نے امرتسر میں سکھوں کے مقدس مقام گولڈن ٹیمپل کو نشانہ بنایا ہے تا ہم دفتر خارجہ سے اس کو مسترد کرتے ہوئے بھارتی پروپیگنڈا اور الزامات قرار دیا ہے۔