جینیوا، بھارت پانی کو ہتھیار بنا کر شر انگیزی پھیلا رہا ہے ، وزیر صحت مصطفیٰ کمال
پانی کو بطور ہتھیار استعمال کرنا انسانی حقوق اور بین الاقوامی قوانین کی صریح خلاف ورزی ہے، جس پر بھارت کو جواب دہ بنایا جانا چاہیے


وفاقی وزیر صحت مصطفیٰ کمال نے جنیوا میں منعقدہ 77ویں ورلڈ ہیلتھ اسمبلی کے دوران عالمی برادری کی توجہ خطے میں بھارت کی اشتعال انگیز کارروائیوں اور اسرائیلی جارحیت کی جانب مبذول کراتے ہوئے کہا کہ انسانی صحت اور زندگی کے تحفظ کے لیے فوری اقدامات کی ضرورت ہے۔
وزیر صحت نے بھارت کی جانب سے پانی کو بطور ہتھیار استعمال کرنے کے عمل کو خطے میں 240 ملین پاکستانیوں کی صحت کے لیے سنگین خطرہ قرار دیا۔
انہوں نے کہا کہ دریائے سندھ کا نظام نہ صرف عوام کو محفوظ پینے کا پانی فراہم کرتا ہے بلکہ 80 فیصد زرعی زمینوں کو سیراب کرتا ہے اور صحت و صفائی کے نظام کو توانائی بھی مہیا کرتا ہے۔
وزیر صحت نے اسرائیل کی جانب سے غزہ میں اسپتالوں اور طبی عملے کو نشانہ بنانے کی شدید مذمت کرتے ہوئے کہا کہ عالمی برادری معصوم فلسطینی بچوں پر جاری مظالم کا نوٹس لے اور اسرائیلی جارحیت کو بند کرائے۔
وفاقی وزیر صحت نے بتایا کہ ان کی فلسطین کے وزیر صحت سے ملاقات ہوئی ہے جس میں فلسطینی عوام کی طبی ضروریات پر تبادلہ خیال کیا گیا۔ ہم نے فلسطینی بھائیوں کی مدد کے لیے ایک واضح طریقہ کار طے کیا ہے اور ہر ممکن طبی معاونت فراہم کریں گے۔
پانی کو بطور ہتھیار استعمال کرنا انسانی حقوق اور بین الاقوامی قوانین کی صریح خلاف ورزی ہے، جس پر بھارت کو جواب دہ بنایا جانا چاہیے۔
مصطفیٰ کمال نے کیوبا، سعودی عرب، ترکی اور برطانیہ کے وزرائے صحت سے بھی ملاقات کی اور ایک دوسرے کے تجربات سے سیکھنے پر اتفاق کیا۔
انہوں نے کہا کہ پاکستان اس وقت ویکسین درآمد کرتا ہے، جس کے باعث قیمتی زرمبادلہ بیرون ملک بھیجا جاتا ہے۔ ہم مقامی سطح پر ویکسین کی تیاری کے منصوبے پر کام کر رہے ہیں اور عالمی برادری کی مدد و سرمایہ کاری سے پاکستان میں ویکسین کی پیداوار ممکن بنائیں گے۔
پولیو کے خاتمے کو قومی ترجیح قرار دیتے ہوئے وزیر صحت نے کہا کہ عالمی تعاون سے پاکستان جلد پولیو فری ملک بنے گا۔

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 دن قبل

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- ایک دن قبل

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 دن قبل

پاکستان میں فی تولہ سونا ہزاروں روپے سستا ہوگیا
- ایک دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 دن قبل

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 دن قبل

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- ایک دن قبل

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 دن قبل

پیٹرول اور ڈیزل کی نئی قیمتوں کا اعلان
- 2 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 دن قبل

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- 21 گھنٹے قبل

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 دن قبل



