پاک بھارت کشیدگی کے باعث عید الاضحیٰ پر بھارتی فلموں کی نمائش پر مکمل پابندی عائد

پاک بھارت کشیدگی اور مقامی فلم انڈسٹری کی بحالی و فروغ کیلئےعید الاضحیٰ بھارتی فلموں کی نمائش پر مکمل پابندی عائد کردی گئی۔

پنجابی فلمیں ہوں یا ڈب فلمیں کوئی  بھی بھارتی فلم اب پاکستانی سینما میں نہیں لگے گی، یہ اقدام مقامی سنیما کو فروغ دینے کیلئے اُٹھایا گیا ہے عیدالاضحیٰ سے دو دن پہلے اور دو ہفتے بعد تک بھارتی پنجابی فلموں کی نمائش پر پابندی ہوگی۔  

عوامی حلقوں کی جانب سے اقدام کو سراہا جا رہا ہے،، فلموں کے دلدادہ افراد کا کہنا ہے کہ اس سے مقامی سینما اور انڈسٹری کو نہ صرف فروغ ملے گا بلکہ بھارت خصوصا بالی وڈ کو بھی ایک پیغام جائےگا، عید الاالضحیٰ پر اس مرتبہ متعدد پاکستانی فلمیں سینما گھروں کی زینت بنیں گی۔