امریکا نے روس، چین اور ایران کی مزید کمپنیوں پر پابندیاں لگا دیں

امریکی محکمہ تجارت کا کہنا ہے کہ  پابندیوں سے متعلق امور کی خلاف ورزیوں کی وجہ سے انہیں بلیک لسٹ کیا گیا ہے۔14چینی کمپنیوں پر امریکی خارجہ پالیسی اور قومی سلامتی کے مخالف سرگرمیوں میں ملوث ہونے کا الزام ہے۔

چین کی وزارت تجارت نے امریکا کی جانب سےانسانی حقوق کی خلاف ورزیوں کے الزام میں 23 چینی اداروں کو بلیک لسٹ کرنےکےاقدام کوتنقید کا نشانہ بنایا۔

چینی وزارت کا کہنا ہے کہ   چینی اداروں کو شامل کرنا "بین الاقوامی معاشی اور تجارتی قوانین کی سنگین خلاف ورزی" اور چینی کمپنیوں پر "بلاجواز دباؤ" ہے۔چین  جائز حقوق اور مفادات کے تحفظ کے لئے ضروری اقدامات کرے گا۔