پی پی 52  ضمنی انتخاب ، پولنگ کا عمل مکمل ، ووٹوں کی گنتی جاری،لیگی امیدوار کو برتری

سمبڑیال: پنجا ب اسمبلی کے حلقہ پی پی52 میں پولنگ کا عمل مکمل ہو گیا ہے جس کے بعد ووٹوں کی گنتی جاری ہے۔
الیکشن کمیشن کے شیڈول کے مطابق پولنگ کا عمل صبح 8بجے سے شام 5بجے تک بغیر تاخیر کے جاری رہا، تاہم اب ووٹوں کی گنتی کا آغاز کردیا گیا۔ 

پی پی 52 سیالکوٹ میں ضمنی انتخاب کے 185پولنگ اسٹیشن میں سے 115 کے غیر حتمی اور غیرسرکاری نتائج کے مطابق ن لیگ کی حنا ارشد وڑائچ 52073 ووٹ لےکر آگے ہیں۔

پی ٹی آئی کے حمایت یافتہ آزاد امیدوار فاخرنشاط گھمن 25766 ووٹ لےکر دوسرے نمبر پر ہیں۔

حلقہ میں ٹوٹل ووٹر کی تعداد 2لاکھ 97ہزار 125 ہے سیالکوٹ:حلقہ میں 185 پولنگ سٹیشن قائم کیے گئے تھے،ان میں 11 انتہائی حساس قرار دیئے گئے تھے۔

واضح رہے یہ سیٹ مسلم لیگ ن کے ایم پی اے ارشد جاوید وڑائچ کی وفات کے بعد خالی ہوئی تھی۔