تیسرا ٹی 20:پاکستان نے بنگلہ دیش کو با آسانی7 وکٹوں سے شکست دےکر 3-0 سے جیت لی

لاہور: پاکستان نے تیسرے اور آخری ٹی 20 میچ میں بنگلہ دیش کو باآسانی 7 وکٹوں سے شکست دے کر سیریز 3-0سے اپنے نام کر لی۔

قدافی اسٹیڈیم لاہور میں کھیلے جانے والے میچ میں بنگلہ دیش نے پہلے بلے بازی کرتے ہوئے پاکستان کوجیت کے لیے 197 رنز کا ہدف دیا، جسے پاکستان نے با آسانی 18 ویںاوورمیں حاصل کر لیا۔

پاکستان کی جانب سے محمد حارث نے شاندار بلے بازی کا مظاہرہ کرتے سنچری اسکور کی،انہوں نے 46 گیندوں پر 107 رنز کی ناقابل شکست اننگز کھیلی۔

صائم ایوب 45 حسن نوازنے 26 رنز بنائے،جبکہ کپتان سلمان علی آغا 15 رنز بنا کر ناٹ آؤٹ رہے۔

بنگلہ دیش کی جانب سے تنزید حسن اور پرویز حسین ایمان نے ٹیم کو 110 رنز کا عمدہ آغاز فراہم کیا، اس دوران پرویز نے اپنی نصف سینچری مکمل کی، وہ 34 گیندوں پر 4 چھکوں اور 7 چوکوں کی مدد سے 66 رنز بناکر آؤٹ ہوئے۔

بنگلہ دیش کی جانب سے پرویز حسین 66 رنز کیساتھ نمایاں رہے،تنزید حسن 42،توحید 25 اور لٹن داس نے 22 رنز بنائے۔

قومی ٹیم کی جانب سے حسن علی، عباس آفریدی نے 2،2 جب کہ فہیم اشرف اور شاداب خان نے ایک ایک کھلاڑی کوآؤٹ کیا۔