ایشین انڈور روئنگ چیمپئن شپ میں پاکستانی ٹیم نے 14 میڈلز جیت کرتاریخ رقم کردی

بنکاک: ایشین انڈور روئنگ چیمپئن شپ میںپاکستانی روئنگ ٹیم نے دس گولڈ سمیت چودہ میڈلز جیت کرتاریخ رقم کردی۔

تھائی لینڈ کے شہر پتایا میںکھیلے جانے والی ایشین انڈورروئنگ چیمپئن شپ میں پاکستان، بھارت، ایران، تھائی لینڈ، جنوبی کوریا، جاپان شامل تھے۔ 

پاکستان کے اسد علی نے پانچ گولڈ میڈل اپنے نام کیے،مقبول علی اور ولی خان نے دو دوسونے کے تمغے جیتے۔

اسی طرح محمد شہزاد اور عبدالجبار نے ایک ایک گولڈ کے ساتھ ایک سلور بھی لیا،جبکہ طیب افتخار نے ایک سلور اورایک برانز میڈل پایا،وطن واپسی پر روئنگ ٹیم کا شاندار استقبال کیا گیا۔

 پاکستان روِئنگ فیڈریشن کے صدر حمدان نذیر نے ریکارڈ ساز پرفارمنس پر خوشی کا اظہار کرتے ہوئے کہا کہ روئنگ میں انٹرنیشنل سطح پر پاکستان نے برتری ثابت کردی ہے۔

انکا کہنا تھا کہ محدود وسائل میں فیڈریشن کوشش کررہی ہے کہ ملکی اور بین الاقوامی سطح پر کھیل اور کھلاڑیوں کو مزید فارغ دیا جائے۔