لَبَّيْكَ اللَّهُمَّ لَبَّيْكَ کی صدائیں،لاکھوں عازمین کا منیٰ میں قیام

لَبَّيْكَ اللَّهُمَّ لَبَّيْكَ کی صداؤں کے ساتھ مناسک حج کا آغاز ہوگیا۔

لاکھوں عازمین نے منیٰ میں قیام کیا، عازمین آج رکن اعظم وقوف عرفہ کیلئے میدان عرفات پہنچیں گے، میدان عرفات میں خطبہ حج سنیں گے، سورج غروب ہونے تک میدان عرفات میں وقوف کریں گے۔

عازمین اذان مغرب کے بعد مزدلفہ روانہ ہوں گے جہاں مغرب اور عشاء کی نمازیں ملا کر پڑھیں گے، شیطان کو مارنے کیلئے کنکریاں بھی جمع کریں گے، حجاج رات کھلے آسمان تلے گزاریں گے۔