مالا کنڈ:گرمی سے بچنے کیلئے نہر میں نہانے والےبچے سمیت4 افراد ڈوب گئے، 3 جاں بحق

ملاکنڈ: خیبر پختونخوا کے ضلع مالاکنڈ میں خٹکو شاہ کے قریب نہر میں نہانے والے بچے سمیت چار افراد ڈوب گئے، جن میں سے تین جاں بحق ہو گئے۔

ریسکیو 1122 ملاکنڈ کے مطابق غوطہ خور اور میڈیکل ٹیم نے اطلاع پر موقع پر پہنچ کر نہر میں مقامی افراد کے ہمراہ سرچ اینڈ ریسکیو آپریشن کیا۔
 ریسکیو آپریشن کے دوران تین جاں بحق اور ایک زخمی کو نہر سے نکال لیا گیا۔

اسپتال منتقل ہونے پر 32 سالہ عالمزیب، 26 سالہ بلال، ارمان چھ سالہ کے جاں بحق ہونے کی تصدیق ہوئی،جبکہ حادثے میں ڈوبنے والا سلمان عمر 17 سال کو طبی امداد دی جارہی ہے جس کی حالت تشویشناک ہے۔
ریسکیو عملہ کے مطابق لاشوں اور زخمی شخص کو تحصیل ہیڈ کوارٹرز ہسپتال درگئی منتقل کر دیا گیا ہے۔