پاکستان ایک ذمہ دار ایٹمی ملک ہے ، یوسف رضا گیلانی

چیئرمین سینیٹ سیدیوسف رضا گیلانی نے کہا ہے کہ پاکستان ایک ذمہ دار ایٹمی ملک ہے اور بھارت کے ساتھ حالیہ کشیدگی کے دوران ہمارے سیاستدانوں اور فوجی قیادت نے مثالی ضبط و تحمل کا مظاہرہ کیا۔

انہوں نے ملتان میں صحافیوں سے گفتگو کرتے ہوئے کہا کہ پوری قوم وطن عزیز کا بہادری سے دفاع کرنے پر پاکستان کی مسلح افواج کو خراج تحسین پیش کرتی ہے۔

ایک سوال کے جواب میں انہوں نے کہا کہ پاکستان پیپلزپارٹی کے چیئرمین بلاول بھٹو زرداری نے امریکہ کے دورے کے دوران سفارتی محاذ پر پاکستان کے موقف کو مضبوط اور متاثرکن انداز میں پیش کیا۔