عید کی خوشیاں وطن عزیز کی خاطر اپنی جانوں کا نذرانہ پیش کرنے والوں کے نام

پاک فوج کے جانباز سپوتوں نے وطن عزیز کی خاطر اپنی جانوں کا نذرانہ پیش کیا ۔

آ ج عید کی خوشیاں انہی شہداء کی مرہون منت ہیں ۔ عید الاضحی کے موقع پر سپاہی عاطف خان شہید کے لواحقین کا اپنے پیغام میں کہنا تھا کہ ہمیں یہ دن آزادی اور امن سے منانے کا موقع دیاعید کے اس موقع پر ہمیں نہ صرف شہدا کو، بلکہ ان کے اہلِ خانہ کی لازوال قربانی کو بھی دل سے یاد رکھنا چاہیے ۔

شہید کے والد کا کہنا تھا کہ عید کی قربانی کا سارا انتظام پہلے میرا بیٹا کیا کرتا تھا اس بار عید میرے بیٹے کے بغیر ادھوری لگے گی شہید سپاہی عاطف خان شہید فجر کے بعد میرے ساتھ مسجد جاتا اور پھر ہم سب ساتھ میں ناشتہ کرتے۔

شہید عاطف خان بھائی کا کہنا تھا کہ اس بار مجھے میرے بھائی کی کمی بہت شدت سے محسوس ہو گی، عید کے موقع پر میرا بھائی چھٹی آیا کرتا تھا امی اس کے پسندیدہ کھانے بناتی تھیں، اور شام میں سب سیر و تفریح کیلئے جایا کرتے، مجھے فخر ہے کہ میرے بھائی نے وطن کی خاطر جان دی اور ہم سب کے لیے قربانی کی حقیقی مثال بنا۔