امریکی ناظم الامور نٹالی بیکر کی اسحاق ڈار سے ملاقات , باہمی دلچسپی کے امور پر تبادلہ خیال 

اسلام آباد: نائب وزیراعظم و وزیر خارجہ سینیٹر محمد اسحاق ڈار سے امریکی ناظم الامورنٹالی بیکر نے ملاقات کی جس میں باہمی دلچسپی کے امور پر تبادلہ خیال کیاگیا۔
ترجمان دفتر خارجہ کے مطابق اسلام آباد میں تعینات امریکی ناظم الامور نٹالی بیکر نے نائب وزیراعظم اسحاق ڈار سے ملاقات کی، جس میں باہمی دلچسپی کے امور پر تبادلہ خیال کیا گیا۔
نائب وزیراعظم نے بین الاقوامی فورمز خصوصاً اقوام متحدہ کی سلامتی کونسل میں پاکستانی رکنیت (2025-2026) کے تناظر میں، مشترکہ اہداف اور امریکا کے ساتھ تعاون کے فروغ کے لیے پاکستان کے عزم کا اعادہ کیا۔
ترجمان کے مطابق دوران ملاقات دونوں فریقین نے علاقائی امن و سلامتی کے فروغ میں پاکستان اور امریکہ کے دیرینہ شراکت داری کی اہمیت کو اجاگر کیا۔