خطے میں سکیورٹی صورتحال پر گہری تشویش ہے ، فریقین صبر و تحمل کا مظاہرہ کریں،دفتر خارجہ

اسلام آباد: پاکستان دفتر خارجہ نے مشرقی وسطی کی موجودہ صورتحال پر بیان جاری کرتے ہوئے کہا ہے کہ خطے میں سکیورٹی صورتحال پر گہری تشویش ہے ، فریقین صبر و تحمل کا مظاہرہ کریں۔

تفصیلات کے مطابق ترجمان دفتر خارجہ شفقت علی خان نے اپنے بیان میں کہا کہ ریاستی خودمختاری اور علاقائی سالمیت کے اصولوں کی خلاف ورزی قابل مذمت ہے۔

اپنے بیان میں انہوں نے کہا کہ پاکستان عالمی قوانین کے احترام اور تمام فریقین سے تحمل کی اپیل کرتا ہے ، مسائل کے حل کیلئے مذاکرات اور سفارتکاری پر زور دیا جائے۔

ترجمان کی جانب سے مزید کہا گیا کہ کشیدگی میں فوری کمی کیلئے اقدامات کئے جائیں ، خطے میں امن کے لیے تمام تنازعات کا پرامن حل ناگزیر ہے۔

خیال رہے کہ اس سے قبل پاکستان نے قطر پر ایرانی حملوں پر شدید تشویش کا اظہار کرتے ہوئے اسے قطر کی علاقائی سلامتی اور اور خود مختاری کی خلاف ورزی قرار دیتے ہوئے قطر سے بھرپور یکجہتی کا اظہار کیا تھا۔